पिसो पावस
सकाळ फुडें ऑफिसान वतना भायर पिश्या भशेन पावस रकता पळय, तसो मोग तुजो . इतल्या लागी आसता मात भीजूक मेळना . चाळोवन दाखयता , हारश्यार नाचून वाट आडायता . सगळ्यांक भिजयता. आनी हाव मात तशेच. Steering wheel कशें सोडू ? आनी हारसो सकयल करत जाल्यार , ऑफिसान कोण बसतलो ते ओले कपडे घेवन? आसू. राव तू भायर , म्हंटा. एक मात कळंना ... विंड स्क्रीनाचे वायपर पिड्यार जाल्यात , काय .... तसोच तू. पिश्या पावसा भशेन . खंयच्यान तरी भितर सरतलोच. दोळ्यातली दुकां जावन, ना जाल्यार हारश्यावेल्लो दंव तरी जावन!